Eins og þið hafið séð þá er þessi síða ekki í notkun lengur. Við bendum ykkur á ungverjaland.com sem er nú í vinnslu og verður komin í loftið bráðlega.
Bestu kveðjur,
Helgi Davíð
Sunday, March 25, 2012Eins og þið hafið séð þá er þessi síða ekki í notkun lengur. Við bendum ykkur á ungverjaland.com sem er nú í vinnslu og verður komin í loftið bráðlega. Bestu kveðjur, Helgi Davíð Thursday, March 06, 2008Atvinnuauglýsing Ég var að fá tölvupóst frá Droplaugarstöðum og þau báðu mig um að koma þessari auglýsingu til skila. Ég hef sjálfur unnið á Droplaugarstöðum síðan 2006 og mér hefur líkað mjög vel. Bestu kveðjur, Helgi Davíð --- Kæri læknanemi, Droplaugarstaðir, hjúkrunarheimili Snorrabraut 58 er í hjarta borgarinnar . Fallegt og heimilislegt heimili þar sem allir íbúar búa í einbýli með sérbaði. Heimilið skiptist í 3 hæðir / deildir þar sem á hverri deild eru þrír heimilislegir íbúðarkjarnar þar sem saman búa 8 eða 10 manns. Við erum að leita að metnaðarfullum og áhugasömum læknanemum til að starfa með okkur, með skóla , yfir sumarmánuði eða hvoru tveggja. Ýmsir möguleikar eru varðandi vinnutíma því hér er unnið eftir Time care vaktaskipulagskerfi. Droplaugarstaðir er góður vinnustaður til að öðlast reynslu í námi og starfi. Margir nemar sem hafa unnið hjá okkur hafa starfað hér í mörg ár. Komið - skoðið og spjallið. Við tökum vel á móti ykkur . Frekari upplýsingar veita: Ingibjörg Þórisdóttir starfsmanna og gæðastjóri ingibjorg.halla.thorisdottir@reykjavik.is Sími 414-9503 Ingibjörg Bernhöft Forstöðumaður Ingibjorg.bernhoft@reykjavik.is Sími 414-9502 Ingibjörg Ólafsdóttir deildarstjóri 4. hæðar Ingibjorg.olafsdottir@reykjavik.is Sími 414-9561 Gyða Þorgeirsdóttir deildarstjóri 3. hæðar Gyda.thorgeisdottir@reykjavik.is Sími 414-9541 Ragnheiður Tómasdóttir deildarstjóri 2. hæðar Ragnheidur.tomasdottir@reykjavik.is Sími 414-9521 Wednesday, November 07, 2007Golyabal Það næsta sem við eigum við árshátíð, Golyaballið, verður haldið um næstu helgi, nánar tiltekið laugardaginn 10. nóv n.k. Um er að ræða mjög fínan dansleik, haldinn í Kossuth byggingunni (aðalbyggingu skólans). Karlmenn mæta í jakka með bindi og konur í kjólum. Opinber tilgangur dansleiksins er að bjóða nýnema velkomna og fá þeir því sérstakan afslátt af miðaverði. Við ætlum nokkur að fjölmenna á skrifstofu HÖK (ungverska nemendafélagið) eftir hádegi í dag og kaupa miða. Sú hugmynd hefur líka komið upp að taka mat á staðnum. Verð: Miði á ballið: -Nýnemar: 1500 HUF -Eldri nemar: 1800 HUF -Ekki nemar: 4000 HUF Frátekið borð (fyrir fjóra): 1000 HUF Matur: 3200 HUF á mann Ef einhver vill slást í för með okkur á eftir (og svo á ballið) er um að gera að slá á þráðinn til Kristófers í síma 06 70 635 6783 Tuesday, September 04, 2007
Sparnaður hjá Vodafone Ég ákvað að kíkja aðeins til þeirra á Vodafone og kanna hvort það væri ekki möguleiki á að finna betri áskriftarleið því maður er að eyða fleiri þúsundum á mánuði í gemsann hérna úti. Ég komst að því að þegar maður fær sér Vitamax kort hjá þeim þá ferðu sjálfkrafa í Vitamax Uno sem er langdýrasti kosturinn. Það er hins vegar til önnur leið: Vitamax Joker Plusz. Sú leið hefur þann ókost að hafa fast mánaðargjald upp á 480 ft en þegar litið er á heildarpakkann þá er það ekki lengi að borga sig eins og sjá má á dæminu hér fyrir neðan. Að skipta milli áskriftaleiða er leikur einn, þú sendir bara kóða með sms á 1270 og þá skiptirðu um pakka. Fyrst fékk ég svar frá þeim um að það muni taka innan við 5 virka daga að skipta um og að síminn verði óvirkur þangað til. Tveimur mínútum síðar fékk ég svo annað sms þar sem mér var óskað til hamingju með skiptinn og þá var allt klárt. Það er svo hægt að skipta um áskriftaleiðir einu sinni á hverri hleðslu þannig að þegar þú ferð heim til Íslands skiptirðu einfaldlega aftur yfir í Vitamax Uno og þá þarftu ekki að borga mánaðargjald. Báðar leiðirnar virka eins og Frelsi þannig að það er ekkert sem breytist, þú bara fyllir á eins og áður. Dæmi: Ég hringi sjálfur um 240 mínútur á mánuði og þar af eru um 180 mínútur innan kerfis hjá Vodafone. Ég hugsa að helmingurinn sé um helgar og eftir kl 22:00 en hinn helmingurinn á virkum dögum. Vitamax Uno, kóði: TV UV Heildarkostnaður: 9.360 ft á mánuði. Vitamax Joker Plusz, kóði: TV JPV Heildarkostnaður: 4.530 ft á mánuði. Það fer ekki á milli mála að Vitamax Joker Plusz er mun ódýrari og til þess að munurinn nái ekki að borga upp mánaðargjaldið þá þarftu að nota gemsann alveg afskaplega lítið. Verð á mínútu í Joker Plusz er á milli 9 ft til 35 ft þannig að það er aldrei dýrara en Vitamax Uno. Þannig að nú er bara um að gera og senda sms: “TV JPV” á 1270 og byrja að spara :) Bestu kveðjur, Tuesday, July 17, 2007Nýnemar hittast Nýnemarnir ætla að hittast í pizzaveislu miðvikudaginn 25.júlí heima hjá Gunnari á Tjarnarbóli 6, Seltjarnarnesi (Hvít blokk, bjalla 3-A). Við vonumst einnig eftir að sjá sem flesta eldri nemendur! Pizzur, snakk og fleira í boði. Fólk má endilega boða sig í síma 8682095 eða email gunnar.hermannsson@gmail.com .. en það er ekki nauðsynlegt. Leiðbeiningar eða spurningar berist til Gunnars í síma: 8682095. Sunday, April 15, 2007Kosningar 2007 Okkur gefst færi á að kjósa í Budapest, laugardaginn, 21.apríl, frá kl 10-14 á ræðisskrifstofunni, Hún er staðsett á Orbánhegyi út. 3, HU-1126 Budapest
Þetta er semsagt Buda megin, í grennd við Déli pályaudvar uppi í brekkunum. Monday, March 19, 2007Fmsa.hu Jæja, það er orðið allnokkuð síðan nokkuð hefur verið sett inn á þessa síðu. Nú mun ég bæta úr því og ég ætla að nota tækifærið til þess að kynna nýjustu síðuna í minni smiðju, http://fmsa.hu en þetta er nýja heimasíðan fyrir nemendafélag skólans. Á þessari síðu er að finna allar helstu upplýsingar varðandi helstu málefni líðandi stundar auk þess sem hér má einnig nálgast upplýsingar varðandi kúrsana, tímasetningu skyndiprófa, spjallsvæði, myndir og fleira. Endilega, tékkið á þessu og vonandi mun þetta koma að góðum notum. Helgi Davíð |
|